عربى سرايان آذرى زبان ( فارسى ) — الصفحة ٣٢٤
90 : مهر على خويى
درس عشق اوخومويان ، زاد اولماز * اولسا مفتى آدى ، بير زاد اولماز
گورميين خسرو عشقى هرگز * سوزى شيرين ، اوزى فرهاد اولماز
زلفى زنجير اولان خوب‌لره * پاىبند اولميان ، آزاد اولماز
بلبلم ، گلخن اولوبدور وطنيم * چكمييم ناله و فرياد ، اولماز
كيم ديير عاشق اولان آغلاماسين * شط اگر اولماسا ، بغداد اولماز
گوگلوم آبادليق ايستر اما * تا خراب اولماسا ، آباد اولماز
اى معلم ، منى اوز حاليمه قوى * سنه شاگرد اولان ، استاد اولماز
او رفيقلر كه منيم واريمدى * ديديلر مهر على ، داماد اولماز
بلبلا فصل گلون قدرينى بول * كه هميشه ، مه خرداد اولماز
غنچه‌نين باغرينه باخجاخ بيلديم * دهر باغيندا اولان ، شاد اولماز
اى گونول ، خوب‌لره صيد اولدون * صيد اولان قوش ، داخى صياد اولماز
اى رقيب ايت كيمى گل قاپما منى * آشنا ، ياره اولان ، ياد اولماز
عشق گلدى ، فدوى عقلى بوراخ * بير عروسه ، ايكى داماد اولماز « 1 »
اثر مكتوب
1 ) ديوان شعر .
( 1 ) ) اين سروده در منابع مختلف به شكل متفاوت آمده است .